“الهلال بيكسب سيتي.. وإحنا قاعدين!”.. سهام صالح مذيعة الأهلي السابقه تفتح النار – فيديو

أبدت الإعلامية سهام صالح استياءها الشديد من تراجع الكرة المصرية، مقارنةً بالقفزات التي تحققها الأندية العربية وعلى رأسها الهلال السعودي، وذلك خلال حديثها في برنامج “الكلاسيكو” على قناة أون.
وقالت سهام صالح:”الهلال اتعادل مع ريال مدريد وإحنا قاعدين.. الهلال اتأهل لدور الـ16 في كأس العالم للأندية وإحنا قاعدين.. الهلال بيكسب مانشستر سيتي وإحنا لسه قاعدين بنتفرج!”
وأضافت:”لحد إمتى هنفضل قاعدين متفرجين؟ كل الناس حوالينا بتتطور، وإحنا مش عارفين هنلعب كأس السوبر امتى، لحد إمبارح لسه بنتناقش ونتخانق”.
وواصلت انتقادها للمسؤولين:”نفسي أسأل كل مسؤول عن الكرة في مصر.. إنت مش غيران؟ الهلال فاز على مانشستر سيتي، الجملة دي مش مجرد عنوان تريند على السوشيال ميديا، دي صفعة كروية محترمة لازم نصحى بعدها”.
وأكدت أن الجماهير المصرية شعرت بالحسرة من هذا الإنجاز، قائلة:
“كل واحد كان بيتفرج على ماتش الهلال وخصوصًا من جماهير الأهلي كان مقهور.. آه مقهور وزعلان لأن فريقه كان مشارك في البطولة ومقدرش يعمل اللي الهلال عمله”.
واختتمت سهام صالح حديثها برسالة نارية:”إحنا لسه بنتخانق على صفقات ولسه عندنا أزمة قيد وخصم نقاط وأندية بتراقب بعضها وتحكيم بيأكل بعض.. وفي المقابل، الهلال بيكسب سيتي وبيرفع راس العرب كلهم”.
شاهد :