أعرب أيمن يونس، نجم الزمالك السابق، عن صدمته من فكرة ترشيح عبد الناصر محمد لتولي منصب مدير الكرة في نادي الزمالك، مشيرًا إلى أن هذا القرار غير مقبول على الإطلاق، وقال عبر قناة “أون سبورت”: “مش قادر أصدق، إزاي ده يكون تفكير مسؤول جوا نادي الزمالك؟! بصراحة شديدة، الموضوع قاتل”.
وأكد يونس أنه لا يعارض الاستعانة بمدربين من خارج النادي في حالات معينة، وقال: “لما كابتن أيمن الرمادي جه في توقيت صعب، كلنا زعلنا إن مفيش حد من ولاد النادي، لكن ساندناه لأنه محترم ومهمته كانت صعبة، وكلامه بعد الرحيل كان راقي جدًا”.
وأضاف غاضبًا: “لكن فكرة ترشيح عبد الناصر محمد مدير كرة؟ لأ دي صعبة جدًا، ومش شايف إنها فكرة جون إدوارد، لأنه أكيد عارف إن أبناء الزمالك شاطرين جدًا في المجال ده، والمكان ده لازم يكون لحد من ولاد النادي”.
وأشار أيمن يونس إلى أن الزمالك يمتلك كوادر كثيرة قادرة على صناعة نظام وانضباط يليق باسم النادي، مضيفًا: “إحنا دلوقتي في مفترق طرق مع جمهور الزمالك، الجمهور هو اللي كسبنا كأس مصر، فلازم نرد له الجميل”.
واختتم رسالته الموجهة لمجلس الإدارة قائلًا: “ابدأوا بإعداد كوادر من أبناء الزمالك في كل المجالات، سواء فنيًا أو إداريًا، لأن ده اللي هيبني النادي صح”.
