هاجمت الإعلامية سهام صالح، الظهير الأيسر لنادي الزمالك أحمد فتوح، بعد ظهوره المثير للجدل في إحدى الحفلات بالساحل الشمالي، رغم غيابه عن معسكر الفريق بداعي مرض أحد أقاربه.
وقالت سهام خلال تصريحاتها ببرنامج “الكلاسيكو” عبر قناة أون تايم سبورت:
“أنا عايزة أسأل فتوح.. أخبار عمك علامه إيه؟! يارب يكون بخير، لأن اللي حصل بجد مش مفهوم”.
وأضافت:
“اللي عرفناه إن جون إدوارد، مدير الكرة الجديد، قال صراحة إنه مش عايز أحمد فتوح في الزمالك، وده رد فعل طبيعي على الاستهتار”.
وتابعت:
“فتوح ارتكب أخطاء كتير في حق نفسه، مش حد تاني، هو من حقه يعيش ويتفسح، بس الكارثة إنه بيستخبى من الكاميرات كأنه عارف إن في حاجة غلط”.
وأكدت أن المشكلة مش في الحضور:
“تحضر حفلة نجم كبير في الساحل مش عيب ولا حرام يا بيه، إنما العيب إنك تكدب وتقلل من احترام مدير الكرة الجديد اللي بيحاول يثبت نفسه، وتقول إن عمك تعبان”.
