كشف الإعلامي محمد صبري، مذيع قناة نادي الزمالك، عن وصول المدير الفني المحتمل للفريق يانيك فيريرا إلى القاهرة، تمهيدًا لتولي القيادة الفنية للفريق الأول خلال الموسم الجديد.
وقال صبري عبر قناة الزمالك:”يانيك فيريرا، المدير الفني المحتمل لنادي الزمالك، وصل القاهرة منذ قليل. الخبر مؤكد وسعيد جدًا لجمهور الزمالك. المدرب بلجيكي، عمره 44 أو 45 سنة، صغير في السن لكن عنده نجاحات وخبرات كبيرة جدًا.”
وأضاف:”النهاردة إن شاء الله، هيكون في جلسة بين فيريرا وإدارة الزمالك والمدير الرياضي جون إدوارد لحسم كل الاتفاقات النهائية. كان في اتفاق مبدئي من أيام، لكن النهاردة أو بكرة هيتم التوقيع الرسمي إن شاء الله.”
وأوضح:”الإعلان الرسمي هيكون خلال ساعات، أو بكرة أو بعده. كل حاجة بتخلص حاليًا عشان نضمن النجاح للمدير الفني ونادي الزمالك، والاتفاق معاه هيكون لمدة عامين.”
واختتم صبري حديثه قائلًا:”دي تاني خطوة مهمة بعد التعاقد مع المدير الرياضي جون إدوارد، واللي بيقود مشروع الزمالك الكروي حاليًا، والخطة ماشية زي ما اتفقنا وكل الملفات بتتقفل واحدة ورا التانية.”
