محمد صلاح يفتح النار ويطالب جون إدوارد بتوضيح قراره المثير للجدل

فتح الكابتن محمد صلاح النار على قرار تعيين عبدالناصر محمد مديرًا لكرة القدم بنادي الزمالك، مشيرًا إلى أنه قرار غريب وغير مفهوم في هذا التوقيت.

وقال صلاح عبر برنامج “البريمو” على قناة “Ten”: “مين اللي اختار عبدالناصر محمد؟ لازم حد يقعد مع جون إدوارد ويسأله ليه؟ هو صديقي وصاحبي شخصيًا، بس لازم يوضح الأسباب”.

وأضاف: “عبدالناصر محمد بقاله سنين بعيدا عن الساحة.. آخر مره اشتغل من أيام ما كان في إنبي، راجل كبير وربنا يديله الصحة، بس احنا مش بنتكلم عن احترامه ولا تاريخه، إحنا عايزين نفهم ليه اتعين في منصب حساس بالشكل ده؟”.

وأكد أن الملف لا يتعلق بالخبرة فقط، ولكن بتوقيت القرار ومدى صلاحيته للمرحلة الحالية: “مش بتكلم عن خبراته، بس جون لازم يقول هو اختاره ليه، ولو فعلاً القرار في مصلحة الزمالك نروح النادي ونبوسه”.