أكد هشام نصر، نائب رئيس الزمالك، إن الإدارة عندها حالة رضا كبيرة عن تجربة جون إدوارد داخل النادي، وإن الجماهير لازم تصبر وتدعم المشروع اللي شغالين عليه.
وقال عبر قناة أون سبورت:
“في حالة من الرضا عن تجربة جون إدوارد، واللي مخلي الناس تصبر وتدي فرصة للتجربة، لأن في تارجت معمول وهدف عايزين نوصل له، والمشوار ماشي في الطريق الصح”.
وأكد هشام نصر في تصريحاته عبر قناة أون سبورت:
“اعتقد ده سؤال في غير محله.. لإننا كسبنا الأهلي بنفس الإسكواد ده، وكسبنا بطولات عادي.. الموضوع مش بس لعيبة، في روح الفانلة البيضاء، وعندنا لعيبة رجالة ووراهم جمهور كبير، وكسبنا بيراميدز بطل أفريقيا في نهائي الكأس”.
وأضاف:
“الزمالك موجود في المنافسة في كل البطولات، ومين قالك إننا خلصنا صفقات؟ لسه في دعم للفريق وكل فترة قيد بنزود، وعمرك ما تكسب بالأسماء الرنانة بس”.
وفي نهاية حديثه عن الكرة، قال هشام نصر:
“أنا عامل المداخلة علشان أتكلم عن فرع الزمالك الجديد، ومش حابب أخوض في ملف كرة القدم دلوقتي.. اعذرني”.
