وجّه محمد أبو العلا، نجم الزمالك السابق، تساؤلات قوية بشأن طريقة تعامل بعض الأطراف مع اللاعبين الراغبين في الانتقال إلى نادي الزمالك، مشيرًا إلى أن هناك بعض التصريحات تتناقض مع رغبة اللاعب، ما يثير علامات استفهام.
وقال أبو العلا عبر قناة الزمالك:
“شفنا قبل كده حالة طارق حامد.. كان مصمم يلعب للزمالك، وبفضل إصراره عمل تاريخ كبير جدًا مع النادي، وكان بوابة احتراف مهمة جدًا ليه”.
وأضاف:
“فيه لاعيبة بتكون معلنة إن حلم حياتها تلعب للزمالك، ومش قادر أفهم إيه اللي بيعطل الصفقة لما الأمور المادية والفنية تكون قريبة، خصوصًا لما يكون الزمالك أصلاً باع أو أعار لاعيبين لأندية تانية”.
وتابع:
“لو الأمور فيها تعامل مختلف مع نادي بعينه، فده هيفتح باب كبير للجدل، وهيخلي جماهير الزمالك تتساءل: ليه هنا في تساهل؟ وليه معانا في تحفظ؟”.
وختم حديثه قائلاً:
“بتمنى الأمور تكون واضحة ومفيش حاجة أبعد من الفنيات، لأن ده يفتح علامات استفهام كتيرة جدًا.. واللاعب اللي عنده حلم لازم نساعده مش نحبطه”.
