أبدى أبو العلا قلقه من شكل الموسم الجديد، في ظل وجود 21 فريقًا في الدوري الممتاز، وهو رقم فردي يفتح الباب أمام سيناريوهات غريبة.
وتساءل:
“هل الدوري هيتقسم مجموعتين؟ 7 ينافسوا على القمة و14 على الهبوط؟ ولا هيبقى دوري مجموعة واحدة؟ كل ده مش واضح، والقلق الأكبر إن الدوري لسه معلق في المحكمة الرياضية الدولية!”.
وأكد أن الغموض لا يبعث على الاطمئنان، خاصة مع تأخر إعلان اللوائح وتنظيم المسابقات.
كما علّق محمد أبو العلا، نجم الزمالك السابق، على قرعة الدوري المصري الممتاز موسم 2025-2026، والمقرر إعلانها رسميًا غدًا السبت 27 يوليو، مطالبًا رابطة الأندية بضرورة تفادي أخطاء الماضي في التنظيم والتحكيم واللوائح.
وقال أبو العلا عبر قناة الزمالك:
“بكره إن شاء الله قرعة الدوري، وهنعرف ترتيب المباريات وجدول الموسم الجديد، بس ده بيرجعنا نفكر تاني في التحضيرات، والجهات المسؤولة اللي اتسببت في أزمات كتير قبل كده.. مشاكل كانت بتحصل من أول يوم”.
وأشار إلى أن الموسم الماضي شهد أزمات تحكيمية من الجولة الأولى، متمنيًا ألا تتكرر نفس الأخطاء هذا الموسم، ووجّه رسالة مباشرة لرابطة الأندية:
“أرجوكم، نشتغل على إصلاح اللي فات.. بلاش نبدأ من الصفر كل سنة، وبلاش اللايحة المطاط اللي بتظهر وتختفي على المزاج”.
