وجّه الإعلامي سيف زاهر رسالة قوية إلى أحمد فتوح، لاعب نادي الزمالك، مؤكدًا أن استمراره في هذا الطريق قد يؤدي إلى نهاية غير سعيدة، وأنه يفتعل أزمات لا داعي لها رغم امتلاكه موهبة كبيرة ومكانة داخل القلعة البيضاء.
وقال زاهر خلال تصريحاته عبر برنامجه التليفزيوني:
“مسؤولي الزمالك مش هيفضلوا صابرين على فتوح طول العمر، انت لاعب موهوب جدًا، لكن الجماهير مش هتتعامل معاك بلقطات ولا الإدارة هتبصلك على ماتشين تلاته… انت مرتبط بعقد، واللي انت فيه نعمة كبيرة أوي، ليه تسيب الباب مفتوح للأزمات؟”
وأضاف بنبرة تحذيرية:
“انت ماشي في سكة غلط يا فتوح، وبتلعب لنادي كبير أوي اسمه الزمالك، وده مكان ناس كتير كانت بتحلم تعدي من جنبه بس، مش تبقى كابتن في الفريق!”
وتابع:
“لازم تعرف إن السطر الأخير ممكن يتكتب في أي لحظة، الرصيد بدأ يخلص عند الجماهير والإدارة… وأتمنى فتوح يسمع النصيحة المرة دي، لأننا مش عايزين دي تكون الفرصة الأخيرة”.
وأنهى زاهر حديثه برسالة مباشرة:
“ربنا يهديك يا فتوح، وياريت تسمعنا، لأنك موهوب، بس اللي بيشجعك تكمل في الطريق ده مش عاوزلك الخير”.
