اخبار الزمالك

أزمة قانونية أم زعل .. إنبي يوضح موقف عبد الناصر محمد بعد بيانه الأخير

أكد محمد إسماعيل، المشرف العام على الكرة في إنبي، إن الكابتن عبد الناصر محمد مش بيتولى حاليًا أي منصب داخل النادي، بعد انضمامه رسميًا لنادي الزمالك كمدير للكرة.

وقال إسماعيل في تصريحات عبر برنامج “الكلاسيكو” على قناة أون: “عبد الناصر محمد هو المدير الرياضي لإنبي، بس بقاله فترة بعيد عن كرة القدم، ولما جيه يكلم الأستاذ أيمن الشريعي، ماقلناش رايح لمين، بس استأذن منه”.

وأضاف: “فيه ناس قالت إن إنبي أقال عبد الناصر، وده محصلش، والناس كانت بس بتحاول توضح إنه واحد من أعمدة النادي، ومكانه محفوظ، بس هو حالياً بيتفرغ لتجربته الجديدة مع الزمالك”.

أما الإعلامية سهام صالح، فوجهت سؤال مباشر: “هل هو حالياً ليه أي منصب في إنبي؟”، ليرد إسماعيل: “لأ، من النهاردة الأحد هو متفرغ لنادي الزمالك، ومفيش أي صفة ليه في إنبي دلوقتي”.

وأوضح: “مافيش زعل، بس ممكن التصريحات اللي اتقالت من عبد الناصر كانت غريبة شوية، إنما احنا مبسوطين إنه راح الزمالك، ومافيش قرار إقالة، بس عمليًا هو مش موجود معانا دلوقتي”.

تعليقات زوار الموقع

اخبار ذات صلة