كشف الحكم الدولي محمد الصباحي عن كواليس قراره المفاجئ بالاعتزال، مؤكدًا أن هذا القرار لا علاقة له بما أعلنه رئيس لجنة الحكام أوسكار بشأن إبعاد من تجاوزوا 45 عامًا.
وقال الصباحي في تصريحاته لبرنامج “كورة كل يوم”:
“قرار الاعتزال من أصعب القرارات اللي خدتها، لكن راضي تمامًا عن مشواري اللي دام 21 سنة، وأنا اللي قررت أخرج بكرامتي”.
وأضاف:
“رفضت التواجد في لجنة الحكام لأنى مش هضيف للجنة في الوقت ده، خصوصًا إن منظومة التحكيم دلوقتي في أضعف حالاتها، والحكم بقى هو اللي بيحمي نفسه بنفسه”.
وأوضح الصباحي أن بعض المسؤولين في لجنة الحكام بيتغيّروا فجأة بعد ما يتولوا مناصب، رغم إنهم كانوا أكتر ناس بتهاجم الحكام قبل كده.
وتابع:
“قرار أوسكار مش لوحده.. فيه عناصر مصرية هي اللي دفعت في اتجاه إبعاد الحكام اللي فوق 45 سنة، وده هيسبب أزمة كبيرة في الموسم اللي جاي بسبب اعتزال عدد كبير من الحكام”.
كما أشار إلى أن والدته كانت السبب الحقيقي لاختياره مجال التحكيم، واعترف بوجود أخطاء في بعض المباريات، قائلاً:
“أحمد عيد عبد الملك من أكتر اللاعبين اللي كان صعب أتعامل معاهم، وكثير الاعتراض”.
