شنّ وائل القباني، مدير الكرة السابق بنادي الزمالك، هجومًا حادًا على أحمد حمدي لاعب الفريق، بعد تصرف وصفه بالصادم، وأكد أنه طالب إدارة النادي بعرضه للبيع.
وقال القباني في تصريحاته عبر برنامج “الكابتن” مع أحمد حسن على قناة dmc: “اتفاجئت إن أحمد حمدي كاتب (حسبي الله ونعم الوكيل)، وبعدها كلمني دكتور محمد أسامة بيقولي حمدي بيسأل على فلوسه، قولتله الفلوس موجودة”.
وتابع: “أنا كنت حاطط شيك بقيمة 121 ألف ليه هو والمثلوثي، وبعت صورة الشيك للدكتور محمد أسامة، والمثلوثي شكرني، لكن حمدي لما شاف الصورة قاللي (أعمل بيه إيه؟)، وقالي لما أرجع هرد الفلوس ومش عايزهم! هنا اتضايقت جدًا وقفلت معاه”.
وأضاف: “أنا ماوقعتش عليه العقوبة لأنه كان وقتها خارج النادي، لكن النادي بلغني أقول له إنه متحول للتحقيق”.
واختتم القباني: “طلبت من هشام نصر نائب رئيس النادي إننا نعرض أحمد حمدي للبيع فورًا، لإن بعد اللي حصل ده نزل كمان تويتة تانية! يا ابني ما إحنا كلمناك.. بتعمل كده ليه؟”.
