أمير هشام : نادي يقتحم الخط والساعة الأخيرة تغيّر كل شيء.. صراع خفي على “العاشق” للزمالك حامد حمدان
كشف الإعلامي أمير هشام عبر برنامج بلس 90 على قناة النهار عن تطورات مثيرة في ملف انتقال حامد حمدان نجم وسط بتروجيت، مؤكداً أن رغبة اللاعب الأولى هي اللعب لنادي الزمالك، رغم دخول نادي بيراميدز بقوة في الساعات الأخيرة.
وقال أمير هشام: “جمهور الزمالك عاطفي، وأول ما بيشوف لاعب شاري النادي بجد، بيبقى عايزه فورًا.. حامد حمدان من النوع ده، والكل بيشهد بإمكانياته الفنية”.
وأضاف:”لكن بعد البيان اللي طلع من بتروجيت واتعدل 3 مرات، الموضوع بقى فيه علامات استفهام كبيرة، واللي حصل ده بيدل على عدم شفافية أو احترافية، وده شيء مش لطيف”.
وأكد أمير هشام:”مينفعش حد يهاجم بتروجيت على رفضهم بيع اللاعب، ده حقهم، طالما اللاعب مرتبط بعقد.. لكن المعلومة اللي عندنا إن حامد حمدان هيموت ويروح الزمالك، وضغط بالفعل عشان ده يحصل”.
وأوضح:”لكن المفاجأة إن بيراميدز تواصل رسميًا مع وكيل اللاعب من ساعة واحدة بس، وقدموا عرض كبير جدًا عشان يخطفوه من الزمالك”.
وختم حديثه قائلاً:”في جلسة مهمة جدًا بكرة ما بين جون إدوارد من الزمالك وإدارة بتروجيت، لحسم مصير اللاعب.. والمعلومات اللي عندي بتقول إن نسبة انتقال حامد حمدان للزمالك وصلت لـ70% وقد تكون أكتر، ممكن نصحى تاني يوم نلاقيه زملكاوي”.
