كشف أيمن الرمادي، المدير الفني السابق لنادي الزمالك، أنه تلقى اقتراحًا من أحد أفراد الجهاز الفني قبل أحد التدريبات بالدفع بأحمد سيد زيزو في نهائي كأس مصر أمام الأهلي.
وأكد الرمادي أنه رفض الفكرة تمامًا، وقال: “قالي مفيش جناح أيمن غير شيكابالا، ورديت عليه إن الموضوع ده شائك ومش تبعي، ده قرار سياسة عامة مش قرار فني بحت”.
وأشار إلى أنه لو كان القرار قراره بالكامل، لكان من الصعب إشراك زيزو، سواء من ناحيته أو من ناحية اللاعب، مؤكدًا: “الأمور ما كانتش هتبقى مناسبة لزيزو، وكان ممكن أخسر علاقتي بالجمهور، ومستحيل لاعب ما تمرنش ولا مرّة يشارك معايا”.
وأضاف الرمادي: “مستحيل رئيس نادي يفرض عليا رأي فني، أنا بحترم خصوصية عملي، والقرارات لازم تكون نابعة من داخل الملعب”.
وعن احتياجات الفريق لو استمر في منصبه، قال: “كنت محتاج من 4 لـ 6 لاعبين لتحقيق أحلام الجماهير، وكان ضروري استمرار شيكابالا، مش فنيًا بس، لكن عشان دوره الكبير في غرفة الملابس، أوضة اللبس هي اللي بتصنع البطولات”.
