إكرامي يرد وسليمان يكشف.. صدام ناري بسبب من صاحب القرار في الزمالك وذهول مهيب عبدالهادي وطارق يحيي
قال أحمد سليمان، عضو مجلس إدارة نادي الزمالك، إن هناك من كان يحارب المدرب السويسري جروس وقت تواجده في النادي، لأنه تم التعاقد معه من خلال وكيل يدعى “حبشي”، بينما كان هناك وكيل آخر متضرر لأنه لم يكن صاحب الصفقة.
وأضاف سليمان: “جروس اتقال عليه اطرش وأعمي وبيتهته وعنده زهايمر، إزاي حد يشتغل في الأجواء دي؟!، للأسف في ناس ساعدت في ده من جوه النادي نفسه”.
الإعلامي مهيب عبدالهادي علّق قائلًا: “خلي بالك بيقولك اللي بيحصل ده من ناس جوا النادي!”، ليرد عليه سليمان: “أنا بقول للناس تحترم نفسها، إحنا في موسم جديد، وجبنا مدير رياضي محترف، ومعاه رئيس النادي ونائبه مشرفين على الفريق، وبيضموا لاعيبة.. ساندوا الراجل والفريق”.
من جانبه قال إكرامي، خلال الحوار: “واضح إن مجلس إدارة الزمالك بعيد خالص عن الكورة”، ورد عليه طارق يحيى: “ما هو قالك المتابعة مع رئيس النادي ونائب الرئيس فقط”.
وأكد أحمد سليمان أن الأمور أصبحت منظمة الآن بوجود مدير رياضي بعقود واختصاصات واضحة، وتابع: “اللي اختار جون إدوارد هو مجلس الإدارة، ومين اللي عمل العقود؟ مجلس الإدارة”.
وعلّق سليمان على المقارنة مع الأهلي، قائلاً: “في الأهلي، القرار لما طلع بمعاقبة كهربا ورجوعه من الإمارات، طلع باسم محمد رمضان مش باسم مجلس الإدارة، وإحنا عندنا جون إدوارد أصدر قرار بعقوبة أحمد فتوح”.
لكن إكرامي أصر على رأيه: “مافيش قرار في الأهلي بيطلع غير بموافقة الخطيب”.
وختم سليمان: “أنا لما أجيب مدير رياضي محترف باختصاصات، مش جايبه علشان أملي عليه القرارات، ولا علشان أحمد سليمان أو أي عضو يمشيه، هو مسؤول قدامي وبيشتغل باختصاصاته”.
