فجّر أحمد سليمان، عضو مجلس إدارة نادي الزمالك، تصريحات نارية عبر قناة MBC مصر، كاشفًا عن الكواليس المظلمة التي حاصرت المدرب السابق كريستيان جروس بسبب صراع الوكلاء.
قال أحمد سليمان: “جروس اتعرض لحرب عشان اللي جابه وكيل اسمه حبشي، ووكيل تاني عايز يمشيه عشان هو اللي مجبوش.. فجأة المدرب بقى أطرش وأعمي وبيتهته وعنده زهايمر! ده وضع يخلي حد يشتغل إزاي؟”
وأضاف: “للأسف في ناس من جوا النادي بيساعدوا الحروب دي وبيقابلوا الوكلاء اللي ورا الكلام ده!”
الإعلامي مهيب عبد الهادي علّق قائلًا: “خلي بالك بيقولك اللي بيحصل ده من ناس جوا النادي!”
ليعود أحمد سليمان مؤكدًا: “أنا عايز أقول للناس تحترم نفسها، الموسم الجديد قرب، وجبنا مدير رياضي محترف، ورئيس النادي ونائبه بيشرفوا على الفريق بشكل مباشر.. ساندوا الراجل والجهاز الفني وخلّوا الفريق يشتغل براحته.”
تعليقات زوار الموقع
إتبعنا
