اتهام مباشر من القباني لمجلس الزمالك بسبب جون إدوارد

كشف وائل القباني، مدير الكرة السابق بنادي الزمالك، أن مجلس الإدارة تعمّد التعاقد مع جون إدوارد كمدير رياضي للهروب من الضغوط وتحميله المسؤولية.

وقال القباني في تصريحات عبر برنامج “الكابتن” على قناة DMC مع أحمد حسن: “الهدف الحقيقي من تعيين جون إدوارد هو إنه يشيل الليلة، المجلس عايز يرفع الضغط عنه في ظل الأزمات اللي بيمر بيها النادي”.

وأضاف: “مش من الصح إن شخص ييجي جديد في منصب مهم ويفور الحرس القديم بالكامل.. ده مش احترام للناس اللي كانت بتشتغل وبتحاول تنقذ النادي”.

وأكد: “أنا مش حابب تعيين مدير كرة من خارج أبناء الزمالك، لأن ده معناه إن مفيش ولاد نادي يصلحوا، وده مش حقيقي”.

واختتم: “التتويج بكأس مصر وسط الظروف دي كان نجاح كبير، لكن السبب الحقيقي في رحيلي إنهم مش عايزين حد من الحرس القديم يفضل موجود، وده قرار مش صح أبدًا”.