علّق أحمد سالم المتحدث الرسمي لنادي الزمالك، على حالة الجدل المثارة بشأن غياب التسريبات والأخبار من داخل القلعة البيضاء في الفترة الأخيرة، مؤكدًا أن الإدارة تعمل في سرية تامة لصالح النادي، وأن البعض “متغاظ” لأنهم لم يعودوا يجدون مادة إعلامية للهجوم أو الاصطياد في الماء العكر.
وفي مداخلة له مع الإعلامي مينا ماهر على قناة الزمالك، قال سالم:
“الناس اللي بتتكلم دي نوعين: جمهور الزمالك، وده على راسنا من فوق، عايز يطمن وبيسأل من حبّه وحرصه، لكن في ناس تانية بتدور على تريند وأخبار تفبرك منها مشاكل”.
وأضاف:
“المشكلة إن المرة دي مفيش لا أخبار حلوة ولا وحشة، مفيش مادة يشتغلوا عليها، فبدأوا يقولوا إن مفيش شغل أو مفيش صفقات، وده مش حقيقي”.
وأوضح أن إدارة الزمالك تعمل دون توقف منذ نهاية كأس مصر، وأن كل التحركات تسير في إطار من السرية لضمان نجاح الصفقات والملفات الفنية.
وختم قائلًا:
“الناس دي مش قادرة توصل لأي معلومة.. وده في حد ذاته بيقلقهم، لكن إن شاء الله كل حاجة هتبان قريب جدًا”.
