أكد أيمن الرمادي أنه المسؤول الأول والأخير عن أي قرار فني داخل الزمالك، وقال: “أنا لو عايز أجتمع مع اللاعبين لوحدي فأنا حر، ولو النادي مش عايزني كان يمشيني، ده مش تقصير مني”.
وشدد الرمادي على أنه خاض نقاشات وخلافات مع بعض أعضاء الجهاز الفني، وهو أمر طبيعي في العمل، لكنه كان صاحب الكلمة الأخيرة دائمًا، لأنه من يتحمل النتيجة أمام الجمهور والإدارة.
وعن أزمة ما قبل نهائي كأس مصر، قال: “الكلام إني كنت هسيب المعسكر مش دقيق، حصل اجتماع مع اللاعبين وخلص في يومه، وشيكابالا كان له دور إيجابي كبير، واللي حصل كان مجرد سوء فهم”.
وأضاف: “في أندية بيحصل فيها خلافات زي كولر وبيبو، لكن عمري ما شفت بيبو طلع اتكلم، وأنا شايف إن وائل القباني خانه التعبير، مش أكتر”.
وأوضح الرمادي أن تصريح القباني عن عقد عبد الله السعيد وغيره قد يكون بدافع طيب، لكن هناك أمور لا يصح الحديث عنها، وقال: “القباني محتاج خبرات تراكمية، وأتمنى يتعلم من اللي حصل”.
واختتم: “أنا لا أقبل ذبح القباني، هو طيب وينفعل بسرعة، لكن الغلطة دي لازم يتعلم منها، من شيم الكبار إن الواحد يعتذر لو غلط”.
