علّق الكابتن أشرف قاسم على الصفقات الجديدة لنادي الزمالك، مُشيرًا إلى أن الإدارة الحالية تسعى لتحقيق توازن واضح في معدل أعمار اللاعبين، لكنه تساءل: “هل جمهور الزمالك هيصبر؟”
وقال قاسم في تصريحات لقناة الحياة:
“التوليفة اللي حصلت في الزمالك بالأسماء تعتبر مقبولة جدًا للجماهير، لكن التحدي هو نجاحهم في الملعب، وده اللي الكل منتظره”.
وأضاف:
“واضح إن الإدارة بتحاول تعمل توازن في الأعمار السنية.. من 21 لـ25 سنة، ومعاهم شوية خبرات زي عبد الله السعيد وعمر جابر، وهي نسبة معقولة ومطلوبة”.
وأكد قاسم أهمية وجود لاعبين كبار يشاركوا أساسيين علشان ينقلوا الخبرات، لكن حذر من استعجال الحكم على الصفقات:
“اللاعيبة الجداد جايين من فرق مفيهاش ضغوط جماهيرية زي الزمالك، فمحتاجين وقت.. والسؤال: جمهور الزمالك هيصبر؟”.
وختم حديثه بالتأكيد على أن نجاح البدايات هي اللي هتحدد شكل الموسم:
“لو الصفقات أثبتت نفسها من أول ماتشات، الموسم كله هيتغير”.
