رد قائد الزمالك محمود عبد الرازق “شيكابالا” على الاتهامات التي لاحقته بشأن التسبب في رحيل المدير الفني الأسبق كريستيان جروس، مؤكدًا أن الحقيقة معروفة داخل النادي، وأنه رفض تمامًا أي تحركات ضد المدرب.
وقال شيكابالا في تصريحاته عبر قناة MBC مصر 2 مع الإعلامي إبراهيم فايق: “دي الحاجة الوحيدة اللي لازم أرد عليها… كابتن عبد الواحد السيد قالي لازم نقعد مع رئيس النادي علشان جروس لازم يمشي، قلتله أنا آسف مش هقعد القعدة دي”.
وأضاف: “أنا كابتن الفريق وبتمرن مع الراجل كل يوم، إزاي أروح لرئيس النادي وأطلب منه يمشي المدرب؟! ده اسمه خيانة، وعمري ما أعمل كده”.
واختتم قائلاً: “الناس جوا الزمالك عارفين الحقيقة، بس للأسف لما روحت البيت لقيت كلام بيتقال عليا إني السبب في رحيل جروس.. وده عيب.. كابتن ناديك ميعملش كده أبدًا”.
تعليقات زوار الموقع
إتبعنا
