أكد جمال عبدالحميد، نجم الزمالك الأسبق، أن نادي الزمالك يمر بأزمات كبيرة حاليًا سواء على المستوى الإداري أو المالي أو الفني، ومع ذلك لا يزال الفريق يحقق بطولات ويتفوق على كثير من المنافسين.
وقال خلال ظهوره في برنامج “بلس 90” على قناة النهار: “الزمالك عنده مشاكل مادية، ومفيش سكواد كامل، وفي تغييرات مستمرة في إدارة الكورة، وبرغم ده كله قدر ياخد بطولتين من أصل خمس بطولات الموسم اللي فات”.
وأضاف: “عندنا جمهور عظيم، بيخلي أي لاعب في الدنيا يبذل أقصى ما عنده، الجمهور ده سند حقيقي للفرقة وسبب رئيسي في أي نجاح”.
وتابع: “كل اللاعيبة اللي في مصر شبه بعض، مش هقول زي بعض، لكن الفرق الحقيقي إن اللاعب اللي في الأهلي بيتعرض لضغط كبير عشان طبيعة النادي، واللي في الزمالك عنده جمهور يقف وراه بقوة”.
وشدد جمال عبدالحميد على أن جماهير الزمالك هي كلمة السر دائمًا، وهي الدافع الحقيقي لظهور أي لاعب بشكل قوي، حتى في أصعب الظروف.
