حازم إمام: “خلاص يا جماعة مبقاش في حاجة اسمها لجنة تخطيط في الزمالك”.. وهناك شيء أغضبني!

أعلن حازم إمام انتهاء عمل لجنة التخطيط في نادي الزمالك بشكل رسمي، مؤكدًا أن دوره ومعه عمرو الجنايني قد انتهى تمامًا بعد تعيين مدير رياضي للنادي.

وأوضح حازم إمام في تصريحاته عبر برنامج “الحريفة” على إذاعة “أون سبورت إف إم”: “بالنسبة للجنة التخطيط، خلاص يا جماعة مبقناش موجودين، مفيش حاجة إسمها لجنة التخطيط”.

وتابع: “طبعًا نشكر المجلس المؤقت، لكن خلاص إحنا مبقناش موجودين أنا وعمرو الجنايني، من ساعة ما استقرينا على فكرة تعيين مدير رياضي، والكلام ده قلناه من أول ما جينا إننا مش هيكون لينا دور”.

وشدد: “أنا في شيء بيضايقني جدًا إني لما بتكلم في أي برنامج المواقع بتاخد كلامي إني عضو اللجنة الفنية بنادي الزمالك، مش لاعب الزمالك السابق أو كابتن الزمالك السابق، لكن بيحصروني إني عضو لجنة التخطيط، لا خلاص مبقاش في حاجة اسمها لجنة تخطيط، الموضوع خلص تماما ومبقتش متواجد”.