شن الإعلامي خالد الغندور هجومًا ناريًا على النادي الأهلي، بسبب حالة الاستياء التي ظهرت مؤخرًا داخل القلعة الحمراء من إدارة البنك الأهلي بعد اقتراب انتقال أحمد ربيع إلى الزمالك، رغم رفضهم سابقًا بيع لاعبين للأهلي مثل أسامة فيصل والجزار.
وقال الغندور عبر برنامج “ستاد المحور”: الأهلي زعلان إن البنك الأهلي وافق يبيع أحمد ربيع للزمالك، وده رغم إنهم نفسهم رفضوا يبيعوا الجزار وأسامة فيصل للأهلي، والنهاردة فجأة الدنيا اتقلبت.
وأضاف: المشكلة إن في أندية بقت بتشتغل لحساب أندية تانية، وده بيحصل قدام عنينا، لما الزمالك طلب صفقات من زد اللي مالكه نجيب ساويرس، اتعرضنا لرفض تام، وبعدها الأهلي طلب مصطفى العش، ووافقوا على طول.
وتابع: سيراميكا نفس الوضع، الزمالك طلب أحمد بيكهام وطلبه اترفض أكتر من مرة، لكن لما الأهلي طلبه، وافقوا فورًا، وطلع مالك النادي قال “أنا أدي عيني للأهلي لو طلب”، ومحدش وقتها قال استياء.
وأنهى الغندور: ليه الموضوع حلال لما يكون في صالح الأهلي، وحرام لما الزمالك يكسب صفقة؟ التناقض بقى واضح جدًا.
