انتقد الكابتن حمادة صدقي شكل بطولة الدوري الممتاز للموسم الجديد، معتبراً أن وجود 21 فريقاً سيؤدي إلى فوضى كبيرة ويعيد الكرة المصرية سنوات إلى الوراء.
وقال صدقي في تصريحاته عبر برنامج “الكلاسيكو” على قناة أون:
“شكل الدوري الجديد مش عاجبني، واللي حاصل ده هيرجعنا ورا جامد، وهنحتاج 3 سنين على الأقل علشان نرجع نلعب دوري طبيعي بـ18 فريق ودورين”.
وتدخلت الإعلامية سهام صالح مؤكدة أن اللخبطة دي مش جديدة، وقالت:
“الدنيا ملخبطة بقالها كام سنة مش اللي جايه بس”.
ورد صدقي:
“كل اللي احنا فيه سببه دوري الكورونا.. ساعتها قلت لازم الدوري يتلغي، ونبدأ موسم جديد في أغسطس بدل ما نكمل دوري لسه فيه 18 جولة”.
وأشار إلى أن تبعات القرار ما زالت تؤثر على الكرة المصرية حتى الآن، مضيفًا:
“الموسم الجاي هيبدأ بدري لكن فيه 21 فريق، والمباريات اللي هتتلعب في الدورة المجمعة هتبقى ملهاش لازمة”.
