أصدر نادي بيراميدز بيانًا رسميًا على لسان عمرو بسيوني، مدير التعاقدات، رد فيه على الشائعات المتداولة حول تحركات النادي في سوق الانتقالات الصيفية، سواء بخصوص رحيل لاعبين أو التعاقد مع آخرين.
وقال بسيوني عبر المركز الإعلامي: “بيراميدز يعتز بعلاقته بكل الأندية وبيتشرف بأي تعاون يخدم مصلحة الجميع، لكن في النهاية إحنا بنشتغل لمصلحة نادينا أولًا وفوق أي اعتبار”.
وأضاف: “منذ سنوات وكل فترة انتقالات بتطلع شائعات حوالينا، سواء رحيل لاعبين أو صفقات تبادلية أو صفقات جديدة، والحقيقة إن أغلب الكلام ده مش صحيح”.
وشدد على إن النادي معروف بنهجه في السرية والعمل في صمت، وأكد إن أي تحرك تعاقدي بيكون مدروس ووفق استراتيجية واضحة للحفاظ على قوة الفريق اللي حقق لقب دوري أبطال إفريقيا الموسم اللي فات.
واختتم قائلاً: “استراتيجيتنا مش هتتغير.. وهدفنا نبني فريق بطل يفضل ينافس على كل البطولات”.
