أكد البلجيكي يانيك فيريرا، المدير الفني لنادي الزمالك، أن الفريق يسير على الطريق الصحيح خلال الفترة الحالية، مشيرًا إلى أن الأداء في تصاعد واضح، وهناك تحسن ملحوظ يومًا بعد يوم على المستويين الفردي والجماعي.
وقال فيريرا في تصريحات لقناة الزمالك: “أنا شايف تطور كبير في الفريق، والمباراة الأخيرة كانت أحسن من اللي قبلها، وده معناه إننا ماشيين في الاتجاه الصح. أشكر كل الناس على الدعم، وأكد إن المنظومة كلها شغالة بإخلاص”.
وأضاف: “إحنا عندنا طريقة لعب واضحة وثابتة، وكل لاعب جديد لازم يندمج فيها بسرعة، لأن النجاح عندنا مبني على العمل الجماعي والتوازن”.
وأوضح المدير الفني إن الزمالك يمر بمرحلة انتقالية كبيرة على كل المستويات، لكنه متفائل جدًا لأن كل عناصر النادي تسير في اتجاه واحد وبنفس الطموح، مؤكدًا: “شُفت صدق وانتماء كبير من كل اللي في النادي، الناس بتحب الزمالك بجد وبتشتغل عشانه”.
واختتم فيريرا تصريحاته برسالة واضحة للجماهير: “هنقاتل بكل قوتنا عشان نحقق اللي الجمهور عايزه. اللي أنتم بتحلموا بيه، إحنا كمان بنحلم بيه، وإن شاء الله نحقق الإنجازات ونفرّحكم”.
