وجه الإعلامي سيف زاهر رسالة قوية إلى منتقدي ومؤيدي جون إدوارد داخل نادي الزمالك، مؤكدًا أن الرجل لم يبدأ عمله الفعلي بعد حتى يتم الحكم عليه.
وقال زاهر عبر قناة أون سبورت: “أنا مستغرب من الناس اللي بتهاجم جون، ومستغرب أكتر من اللي بيحييه وبيقول له أنت أعظم واحد، الراجل لسه ما اشتغلش عشان نحكم”.
وأضاف: “هات ورقة وقلم واكتب معايا، لو عمل نجاحات هنقول نجح، ولو حصل إخفاق هنقول فشل، بس لازم نستنى ونشوف”.
وأوضح سيف زاهر أن جون إدوارد ليس مديرًا رياضيًا في الزمالك كما يعتقد البعض، وقال: “ده ديل مختلف تم تطبيقه قبل كده في فاركو، تفاصيله نادي الزمالك اللي هيعلن عنها، لكن اللي أكيد إن جون مش مدير رياضي”.
واختتم: “الناس بتتكلم عن صلاحيات الراجل، ومحدش يدخل، هو أساسًا أموره هادية جدًا ومفيش أي توتر”.
تعليقات زوار الموقع
إتبعنا
