رسالة نارية من نجم الزمالك: “بقينا في زمن العجايب.. الخير بيرجع أذى والقلوب مليانة حقد”! صورة
نشر محمد صبحي، حارس مرمى نادي الزمالك، رسالة غامضة، حملت بين سطورها إشارات إلى شعور بالخذلان والظلم، ووجه خلالها حديثًا عامًا عن طبيعة الناس وتقلّب مشاعرهم.
وكتب صبحي عبر خاصية “الستوري” بحسابه الرسمي على موقع “إنستجرام”: “متستغربش لما تلاقي حد كارهك وإنت ماعملتش معاه أي حاجة وحشة، ولا تتصدم لما تعمل الخير مع حد ويردهولك في الآخر أذية.. نفوس الناس مش زي بعضها، وفي قلوب كثير حوالينا مليانة حقد وغل، فمش كل الناس هتحبك وتتمنالك الخير، مهما قدمتلهم حاجات حلوة، ومهما كان قلبك أبيض وبتحب الخير للكل، هتتشاف وحش في عيون ناس كتير”.
وتابع: “مهما كانت تصرفاتك تلقائية وطبيعية، ناس هتشوفها مقصودة ومدروسة، حتى جدعنتك اللي بالفطرة هتتحسب منظرة وحب للظهور”.
وأضاف: “مش كل الناس هتحب تعرفك على حقيقتك، ولا كل الناس هتشوفك زي ما إنت.. ناس كتير جدًا بيشوفوك بطباعهم وسواد قلوبهم، بقينا في زمن العجايب، فتوقّع الغير متوقّع، وامشِ زي ما إنت، وزي ما اتربيت، وما تستناش خير من حد”.
واختتم رسالته قائلًا: “وإياك تعافر عشان تثبت لحد إنك كويس، ومش مهم أبدًا تكون عند الناس إيه، ولا هما باصينلك إزاي.. لينا رب هو اللي عارفنا وشايف قلوبنا وعارف نوايانا، وهو ده بس المهم، مش البشر أبدًا”.
