أكد الإعلامي سيف زاهر، أن النادي الأهلي هو بطل سوق الانتقالات الصيفية الحالي، نظراً لحجم الصفقات الكبيرة التي أبرمها وتوفير كل متطلبات المدرب ريكاردو ريبيرو من قبل الإدارة الحمراء.
وقال زاهر عبر قناة “أون سبورت”:
“مش كل فريق جامد لازم يبقى فيه لعيبة جامدين، لكن الأهلي دلوقتي الإدارة وفرت لبن العصفور لريبيرو، وقالتله احلم، وده معناه إن الحساب هيكون مختلف، والجمهور من حقه يستنى كل حاجة”.
وأضاف:”بس هل ده معناه إن الدوري محسوم؟ لا طبعاً، الدوري في الملعب والزمالك منافس قوي جداً، ومش سهل إطلاقاً”.
وتابع:”جون إدوارد عامل شغل عالي في الزمالك، وبيعمل ميزان في الصفقات، مش بنخش بملايين كتير، لأ.. بنخش بحدود معقولة، وابتدى يبيع فكرة الزمالك لجمهوره بشكل ممتاز”.
وأشار إلى أن بيراميدز يعمل بهدوء ويركز مع نفسه فقط، مضيفاً: “كل فريق يبص في ورقته، الموسم الجاي هيبقى فيه كل حاجة.. عندك فرق زي المصري والبنك الأهلي وسيراميكا بيجهزوا كويس جداً”.
