شلبي يحرج القباني وطارق السعيد بسبب الأهلي على الهواء وأزمة وسام علي وزيزو .. مواجهه نارية

أوضح وائل القباني، نجم الزمالك السابق، أن المقارنة بين موقف أحمد سيد زيزو مع الزمالك، ووسام أبو علي مع الأهلي، ليست عادلة، مؤكدًا أن لكل حالة ظروفها الخاصة.

وقال القباني خلال ظهوره في برنامج “يا مساء الأنوار” على قناة MBC مصر:
“عقد زيزو كان فاضل فيه 6 شهور، وكان من حقه يرحل، لكن وسام عنده 4 مواسم متبقية، وده بيدي الأهلي كل الحق في تحديد مستقبله”.

وأضاف:
“أنا شخصيًا لما الزمالك رفض يجدد لي بالمبلغ اللي طلبته، رُحت الأهلي وأنا لاعب حر، وبعدها رجعت تاني للزمالك، وكل حاجة كانت واضحة، وطلباتي وقتها مكنتش مبالغ فيها من وجهة نظري”.

وأكد القباني تمسك الأهلي باللاعب وسام أبو علي:
“اللي تعاقد معاه هو الأهلي، ونجمه، وطبيعي يتمسك بيه لو محتاجه، ولو أنا صاحب القرار مش هبيعه دلوقتي”.

من جانبه، قال طارق السعيد نجم الأهلي والزمالك السابق:
“النهاردة مفيش نادي بيصنع لاعب.. كل لاعب بيشتغل لمصلحته، دي الحقيقة”.

وتدخل الإعلامي مدحت شلبي قائلاً:
“بس يا طارق، الزمالك هو اللي صنعك وكبر اسمك، وبعدها رُحت الأهلي”.

ورد طارق السعيد:
“الزمالك مكنش عايزني، وده زي اللي حصل مع القباني.. قعدوا معايا لما عرفوا إني مضيت للأهلي، بس كانت كل حاجة خلصت”.