شوبير يهاجم عمارة وبقوة بسبب اوضه اللبس في الأهلي المولعه ” اللي ميشوفش من الغربال يبقى اعمى “
خرج الإعلامي أحمد شوبير عبر قناة الأهلي، في رد ناري على ما وصفه بـ”الاتهامات غير المنطقية” التي طالت النادي الأهلي من بعض الشخصيات المنتمية له، وعلى رأسهم الكابتن محمد عمارة.
وقال شوبير: “أنا النهارده بتكلم بالأسماء.. الكابتن محمد عمارة كلاعب محدش يقدر يختلف عليه، لكن اللي بيحصل ده مش مقبول.. فين غرفة الملابس اللي مولعة؟ فين النار دي؟!”
وأضاف شوبير: “الأهلي دعم صفوفه الموسم ده بصفقات قوية.. ضم محمود تريزيجيه، محمد بن رمضان، زيزو، سيحا، أحمد رمضان بيكهام، محمد شريف، وياسين مرعي.. وفي المقابل رحل عمر الساعي، أكرم توفيق، ربيعة، حمزة علاء، خالد عبدالفتاح، كريم الدبيس، عمرو السولية، وانتهت رحلة علي معلول، واتعملت إعارة ليحيى عطية الله.”
وتابع شوبير: “الأهلي خسر بطولات الموسم الماضي وكان لازم يدعم نفسه.. جاب نجوم كبار، مفيش أي حاجة تقول إن غرفة اللبس مشتعلة زي ما بيتقال، ولا زيزو كسر حاجة، ولا تريزيجيه مسك المدرب ضربه، ولا وسام علق حد!”
ووجه رسالة إلى عمارة قائلاً: “لو عندك دليل على إن في حاجة غلط جوه الفريق، اتكلم.. إنما الكلام عن اشتعال وغرف ملابس مولعة، ده كلام جاي من ناس مليانة حقد وغل على الأهلي، وده عمرنا ما سمعناه من ولاد الأهلي الحقيقيين.”
وختم شوبير بقوله: “اللي ميشوفشي من الغربال يبقى أعمى.. في ناس بتتكلم عليا شخصيًا ومش هرد، لأنهم لا يستحقوا الرد.. بس لما الموضوع يبقى عن الأهلي، لازم نرد ونوضح، خصوصًا لما اللي بيقولوا كده أعضاء عاملين في النادي.”
