كشف محمود عبد الرازق “شيكابالا”، قائد نادي الزمالك، كواليس رحيل المدرب البرتغالي جوزيه جوميز، مؤكدًا أن القرار لم يكن لأسباب مادية كما يُشاع، وأن المدرب تعرض لضغوط وأزمات داخلية دفعته للرحيل في توقيت صعب، رغم علاقته المميزة باللاعبين.
وقال شيكابالا خلال ظهوره عبر قناة MBC مصر 2 مع الإعلامي إبراهيم فايق: “أنا كنت متوقع رحيل جوميز، بس كل الفريق كان بيحبه، والراجل رغم كل اللي حصله كان بيرجع التمرين يقولنا أنا بحبكم ومش عارف ليه”.
وأضاف: “جوميز اتعرض لحاجات كتير خلتُه يمشي، ومش هينفع أقول، بس هو مدرب كان لايق علينا، وعارف مشاكلنا، وكان لازم نحافظ عليه من بدري، مش نسيبه كده”.
وعن الحديث حول الأسباب المادية لرحيل جوميز، رد شيكابالا قائلاً: “لا خالص.. مش مادي، ومش هوضح أكتر من كده”.
كما دافع شيكابالا عن المدرب المساعد أحمد مجدي، مؤكدًا أنه ظُلم بعد رحيل جوميز، قائلاً: “أحمد مجدي من الزملكاوية المخلصين، واتظلم في قصة جوميز، والناس جت عليه.. هو كان هيقعد قد إيه أصلاً؟ كان هيمشي لما ييجي حد تاني”.
