شيكابالا يكشف كواليس مثيرة حول مصير زيزو داخل الزمالك بعد جلسه حسين لبيب ورحيله للأهلي
كشف شيكابالا قائد الزمالك المعتزل، عن كواليس جلسة جمعته قبل عام مع الكابتن حسين لبيب رئيس النادي، بخصوص ملف تجديد عقد اللاعب أحمد سيد زيزو، مؤكدًا أنه عرض حلاً حاسمًا وقتها لحسم مصير اللاعب.
قال شيكابالا: “قعدت مع كابتن حسين لبيب من سنة وقلتله لو معاك فلوس جدد لزيزو، وملكش دعوة بأوضة اللبس، إحنا هنظبط الدنيا”.
وأضاف: “لو الزمالك مش هيقدر يجددله، نبيعه ونجيب بـ فلوسه 3 أو 4 لاعيبة يسندوا الفريق، بدل ما نخسره ببلاش”.
وأشار إلى أن البعض خاف من المواجهة مع الجمهور، وقال: “الناس كانت خايفة من رد الفعل.. اللي هو هيمشي يروح كذا؟ ما يروح كذا بس نستفيد إحنا بالفلوس ونجمد الفريق”.
من جانبه، رد الإعلامي إبراهيم فايق قائلاً: “زيزو قال نفس الكلام، إنه لو راح الأهلي الناس هتقول عليه الوحش بس النادي كان هيستفيد”.
ليؤكد شيكابالا: “لا، هو مكانش ينفع يروح النادي التاني، لأنه كان عنده عروض كتير.. بس لو الزمالك مش هيقدر يجددله، يبقى يبيعه ويستفيد منه”.
