تحدث أحمد سيد “زيزو” عن أجواء معسكر الفريق الحالي، وأهدافه مع القلعة الحمراء في الموسم الجديد، مؤكدًا أن الروح الإيجابية والتنافس القوي يسودان الفريق استعدادًا لبداية قوية في الدوري.
وقال زيزو في تصريحاته:
“المعسكر كويس جدًا، والروح حلوة بين اللاعيبة والجهاز الفني، البلد اللي احنا فيها جميلة، وجوها مريح، وكلنا بنستعد بشكل قوي للموسم الجديد. فترة الإعداد مهمة جدًا عشان نبدأ الدوري وإحنا في فورمة 100%. كل لاعب بياخد وقته الطبيعي في الحمل البدني، وإن شاء الله نوصل كلنا لأعلى مستوى بدني وفني”.
وتحدث زيزو عن طموحات الفريق في الموسم القادم، قائلًا:
“أي حد بيلعب في الأهلي لازم يكون عنده هدف واضح: إنه يكسب كل البطولات. إحنا مركزين جدًا، وفاهمين الجمهور عايز مننا إيه. الفريق تعاقد مع صفقات قوية، والسكواد مليان منافسة، وده بيحط شوية ضغط، لكن إحنا قد التحدي. بنشوف طموح الجمهور قدام عنينا، وإن شاء الله نحقق موسم كبير يليق باسم الأهلي”.
وعن تطلعاته الشخصية، كشف زيزو عن رغبته في تسجيل هدفه الأول بقميص الأهلي قائلًا:
“مستني أول هدف ليا مع الأهلي، بس مش مستعجل عليه، هو هييجي إن شاء الله. بتمنى يكون في أول ماتش في الدوري، ومش مجهز احتفال ولا حاجة، هجيب الجول واسكت”.
ويخوض النادي الأهلي حاليًا معسكرًا خارجيًا استعدادًا لانطلاق الموسم الجديد،
