قال عصام الحضري في تصريحات نارية على قناة أون سبورت، إنه مفيش لاعب في مصر يستحق يحصل على 70 أو 80 مليون جنيه، واعتبر إن الكلام ده غير منطقي بالمرة.
وأكد الحضري إنه مش ضد إن اللاعب يفكر في الفلوس، بس لازم يكون فيه مردود حقيقي، يعني يحقق بطولات للنادي وللمنتخب، مش مجرد لعب وخلاص.
وأضاف: “أغلى لاعب في مصر يستاهل 15 مليون جنيه بس، ولو أنا هدفع رواتب، الشناوي ياخد 10 مليون، وإمام عاشور 15 مليون، وزيزو وتريزيجيه نفس الرقم”.
وتابع الحضري: “تريزيجيه كان بياخد فلوس كتير بره قبل ما يرجع، بس حد ضربه على إيده؟! هو رجع بمزاجه، فليه يتقال أرقام خرافية على اللعيبة؟”.
وشدد الحضري على أهمية وجود سقف واضح لمطالب اللاعبين، خصوصًا إن المنافسات اللي محتاجين فيها لاعيبة تقيلة هي البطولات القارية والعالمية زي كأس العالم للأندية.
تعليقات زوار الموقع
إتبعنا
