فجّر حسام عاشور، قائد الأهلي السابق، مفاجأة من العيار الثقيل، بعدما كشف عن حالة غضب داخل الفريق بسبب تضخم رواتب بعض اللاعبين الجدد، مؤكدًا أن الأمور خرجت عن السيطرة.
وقال عاشور، خلال استضافته في برنامج “يا مساء الأنوار” مع الإعلامي مدحت شلبي على قناة MBC مصر:
“أنا في وقتي كنت فئة أولى بـ600 ألف جنيه، وكان معايا أبوتريكة، وبركات، ووائل جمعة، وعصام الحضري، والفئة التانية كانت بـ450 أو 500 ألف.. دلوقتي بنسمع عن لاعيبة بتاخد 100 مليون، وده رقم مبالغ فيه جدًا”.
وأضاف عاشور:
“عندي معلومة مؤكدة إن في استياء كبير داخل غرفة الملابس بسبب تفاوت الرواتب، وده بيأثر على تركيز اللاعبين، لأن في ناس بتاخد أضعاف ناس تانية، ومش منطقي يبقى مفيش نظام واضح يحكم المنظومة دي”.
وواصل نجم الأهلي السابق حديثه قائلاً:
“الأهلي محتاج يرجع لسقف الرواتب ويعمل نظام واضح وصارم، لأن اللي بيحصل دلوقتي ممكن يولّع الفريق من جوه ويأثر على الاستقرار الفني”.
واختتم قائلاً:
“الأرقام دي مش بس بتعمل حساسيات، دي بتكسر روح الفريق، ومينفعش النادي الأهلي يبقى فيه لاعب بياخد رقم خيالي بسبب السوشيال ميديا، ولازم الإدارة تتدخل بسرعة”.
