قال الإعلامي كريم حسن شحاتة، إن نادي الزمالك استقر بشكل نهائي على رحيل أحمد فتوح خلال فترة الانتقالات الحالية، بسبب أزمة السلوك وعدم الالتزام خارج الملعب.
أوضح كريم، عبر قناة الحياة، إن قرار بيع فتوح جاء منذ واقعة خروجه من معسكر الفريق لحضور حفل في الساحل، وإن الإدارة بالفعل عرضت اللاعب للبيع أو الإعارة، بل لن تمانع في انتقاله لأي نادٍ، حتى لو كان الأهلي، طالما وصل عرض مناسب.
وأضاف: “رغم إن فتوح موهوب، لكنه مش عارف يحافظ على نفسه كنجم، في لاعيبة ربنا بيكرمهم بس مايعرفوش يخلوا البركة تستمر.. بيسهروا ومش ملتزمين، وأنا عارف أكتر من كده بس مش هقول”.
كشف كريم عن وجود 3 لاعبين في الزمالك غير ملتزمين سلوكيًا، مؤكدًا إن مدير الكرة جون إدوارد قرر التخلص منهم حفاظًا على شكل الفريق، وبدأ في البحث عن عروض لبيعهم خلال الميركاتو الحالي.
واختتم قائلًا: “الزمالك بيعمل ثورة إصلاح حقيقية.. وجون بيفكر بشكل احترافي.. مش بس في الفنيات، لكن كمان في السلوك والانضباط، وده هو اللي هيجيب النجاح”.
