أشاد الإعلامي كريم رمزي بالدور الكبير الذي يقوم به جون إدوارد، المدير الرياضي الجديد لنادي الزمالك، مؤكدًا أن التحركات الأخيرة في سوق الانتقالات تُحسب له وتكشف عن تخطيط احترافي للمستقبل.
وقال كريم رمزي خلال تصريحاته:
“جون إدوارد عمل شغل كبير جدًا في الصفقات الجديدة، النهاردة الزمالك قرر الاستغناء عن مصطفى شلبي وسيد نيمار، وحقق مكاسب مالية وصلت لـ25 مليون جنيه، وفي المقابل تعاقد مع أحمد ربيع”.
وأضاف:
“الصفقة دي نجاح كبير يُحسب للمدير الرياضي، من أول يوم بنأكد إن الراجل ده إضافة كبيرة جدًا للزمالك، وبيشتغل في هدوء واحترافية”.
وتابع:
“الزمالك جاب لاعيبة السهم بتاعها أخضر، كلهم صفقات شابة ومبشرة للمستقبل، واللي بيحصل حاليًا هو تأسيس فريق هيقدر ينافس الأهلي وبيراميدز الموسم الجاي وبقوة”.
وختم قائلاً:
“افتكروا كلامي ده كويس.. الزمالك هيكون ند قوي جدًا الموسم الجديد وهيفاجئ الكل”.
