قال الكابتن محمد أبو العلا، نجم الزمالك السابق، خلال تصريحاته عبر قناة الزمالك، إن ملف الانسحاب وعدم الحضور في اللائحة الجديدة للرابطة أصبح واضحًا ومفصلًا أكثر من أي وقت مضى، بعد فوضى الموسم الماضي.
وأوضح أبو العلا:
“اللي لفت انتباهي هو إن كلمة الانسحاب بقت ليها أكتر من تفسير، وبقت متقسّمة في اللائحة.. في بند اسمه (عدم حضور)، وبند تاني اسمه (انسحاب)، وحتى لو الفريق حضر بس بعدد مش مكتمل، أو حضر واتأخر، القانون بقى واضح هيبدأ المباراة وإيه اللي هيحصل بعد كده.”
وأشار إلى أنه حتى الاعتراض أثناء المباراة وتأخير اللعب لمدة طويلة بقى ليه مهلة زمنية – حوالي 15 دقيقة – ومحدد في اللائحة بوضوح، مما يعكس نية الرابطة لتفادي أي سيناريو عبثي.
وأضاف:
“أنا بتكلم في الموضوع ده لأن الموسم اللي فات كان أقل ما يقال عليه عبث كروي.. ولحد دلوقتي في قضية شغالة في المحكمة الرياضية الدولية بتخص بطل الدوري، رغم إن الدرع اتسلّم.”
وختم أبو العلا بأن التعديلات دي بتشير لوجود إرادة للتغيير وإنهاء أي ثغرات تنظيمية قد تُستغل مستقبلاً.
