كشف محمد حمدي، لاعب نادي إنبي، عن كواليس الأحاديث التي دارت حول إمكانية انضمامه للنادي الأهلي قبل بطولة كأس العالم للأندية الأخيرة، مشيرًا إلى أن الأمر لم يتجاوز مرحلة الكلام.
وقال محمد حمدي خلال ظهوره عبر قناة “أون تايم سبورتس” مع الإعلامي سيف زاهر:
“مفيش مفاوضات رسمية خالص، كله كان كلام وقيل وقال، لكن محدش كلمني بشكل رسمي من الأهلي”.
وأضاف:
“أنا كنت مرحب بالخطوة، وكان عندي هدف واضح، كنت عايز ألعب كأس عالم للأندية وأعيش أجواء جديدة مختلفة”.
وعندما سأله سيف زاهر عن فكرة الانتماء ورد فعله حال تلقى عرض من الأهلي أو الزمالك، رد محمد حمدي قائلاً:
“أنا مش بشوف إن موضوع أهلاوي أو زملكاوي ده ممكن يأثر في مستقبلي، أنا بلعب كورة بشكل احترافي”.
وتابع:
“أنا كنت بلعب في الزمالك، وكان في ناس بتقول عليّ أهلاوي، ويوم ماتش طلائع الجيش اللي اتصابت فيه إصابة كبيرة، كنت مش قادر أتنفس وكنت عايز أكمل علشان الفريق”.
