مدرب بتروجيت يخرج عن صمته ويكشف سبب التعنت في صفقه حامد حمدان من الانتقال للزمالك مفاجأة – فيديو

أدلى سيد عيد المدير الفني لنادي بتروجيت بتصريحات قوية عبر قناة “أون سبورت”، أكد فيها أن ناديه لم يرفض عروض الأهلي والزمالك لضم اللاعب حامد حمدان من باب العناد، ولكن بسبب ضيق الوقت قبل انطلاق الموسم الجديد.

وقال سيد عيد: “حامد حمدان ابني، أنا اللي جايبه من نادي المجد واشتغلنا معاه لحد ما وصل لمستوى عالي جدًا، وكان سعره قليل وبقى دلوقتي أعلى لاعب في الفريق، وده من قبل حتى ما ييجي له عرض من الزمالك أو الأهلي.”

وأضاف: “الأهلي تعامل مع بتروجيت باحترافية، وطلب اللاعب توفيق قبل ما حامد يُطلب من الزمالك، ولما تم رفض العرض، الأهلي محترمش ردنا، وماحصلش أي ضغوط.”

وكشف عيد أن حامد جدد عقده مع بتروجيت في الموسم الماضي، وأصبح الأعلى أجرًا في الفريق، ويتبقى في عقده موسمين.

وأوضح قائلًا: “إحنا مش ضد إن لاعبينا يلعبوا للأهلي أو الزمالك أو حتى لمنتخب مصر، بالعكس بنتمنى لهم كده، بس في الآخر إحنا نادي كبير برضه، وبنمر بظروف صعبة.”

وعن أسباب الرفض، تابع: “إحنا بنلعب النهارده الشوط الأول بـ10 لاعيبة من الموسم اللي فات، والشوط التاني بجدد، فمش منطقي نظلم النادي ونقول بيرفض لمجرد الرفض. إحنا قدامنا 3 أسابيع ونبدأ الموسم، فلو أحسن لاعب عندك مشي، هتبقى في أزمة.”

وختم سيد عيد تصريحاته قائلًا: “أنا ماكانش عندي مشكلة إن اللاعب يمشي، لكن كان لازم يحصل ده من بدري. دلوقتي لما الإدارة خدت القرار، كلنا لازم نلتزم بيه، سواء مدرب أو لاعب.”