عبّر ممدوح عباس، رئيس نادي الزمالك الأسبق، عن تأثره الشديد بقرار اعتزال النجم محمود عبد الرازق شيكابالا، مؤكدًا أن العلاقة بينهما تتجاوز حدود الرياضة إلى الأبوة الحقيقية.
وقال عباس، في مداخلة هاتفية عبر قناة MBC مصر 2:”شيكابالا ابني.. وكان دايمًا بيتقال عليه اسمه محمود ممدوح عباس، علشان فعلاً هو ابني”.
وتابع باكيًا:”دموعي لا تتوقف من وقت ما عرفت إنه قرر يعتزل، وكلمت مراته وبكيت، القرار ده صعب أوي عليا.. أنا بايظ ومش قادر أتكلم”.
وأضاف:”أنا بحب هذا الرجل وعاشق له وعايش معاه يوم بيوم.. شيكابالا قصة وحدوتة هتفضل كبيرة أوي في الكرة المصرية”.
وكشف:”أنا عرفت شيكابالا من وهو عنده 11 سنة، وجبته من بره ورجعته، وفينجادا قال عليه من أحرف 10 لاعيبة في العالم”.
وأكد أنه سيقيم مهرجان اعتزال لا يُنسى، قائلًا:”هعمله ماتش اعتزال محصلش، وهشاركه في المشروع اللي هو عايزه، وبشكر مراته جدًا اللي نظمت له حياته.. ست محترمة ونظامها مشوفتوش في ستات كتير”.
كما اختتم قائلًا:”أنا في حياتي كلها حبيت اتنين في الكرة المصرية: طه بصري الله يرحمه، وشيكابالا ربنا يديله طولة العمر”.
