أكد ممدوح عباس، رئيس نادي الزمالك الأسبق، أن معسكر الفريق الحالي في العاصمة الإدارية يليق بظروف النادي الحالية، مشددًا على أن الانضباط سيكون عنوان المرحلة القادمة داخل الفريق الأبيض.
وقال عباس، في تصريحاته عبر قناة نادي الزمالك: “المعسكر اللي في العاصمة الإدارية كويس جدًا، ومناسب لإمكانيات النادي دلوقتي، وهيكون فيه التزام كامل من اللاعبين.”
وأضاف: “مش لازم يكون المعسكر في أوروبا عشان يبقى ناجح، بالعكس أحيانًا في أوروبا بتحصل فوضى، لعيبة بتسهر وبتخرج من المعسكر، لكن ده مش هيحصل عندنا، إحنا ماشيين بانضباط.”
ووجّه عباس رسالة قوية لجماهير القلعة البيضاء، قائلًا: “جمهور الزمالك هيشوف فريق مختلف إن شاء الله الموسم ده، وهيكون فيه صفقات سوبر في كل مركز الفريق محتاجه.”
تصريحات عباس جاءت لتطمئن جماهير الزمالك بأن الفريق في الطريق الصحيح، سواء من حيث الانضباط الفني أو التدعيمات المنتظرة.
