مهيب عبدالهادي: أزمة في الأهلي بسبب راتب زيزو ورد ناري من سيد عبدالحفيظ عبر مطالب اللاعبين وتعليق غامض عن عاشور

كشف سيد عبدالحفيظ، مدير الكرة السابق بالنادي الأهلي، عن كواليس هامة تدور داخل غرفة ملابس الفريق الأحمر، متحدثًا عن ظاهرة مطالبة بعض اللاعبين بتعديل عقودهم بعد التعاقد مع أحمد سيد زيزو براتب ضخم.

وقال عبدالحفيظ في تصريحات لبرنامج “اللعيب” عبر قناة MBC مصر مع الإعلامي مهيب عبدالهادي:”ده طبيعي جدًا، اللعيبة بتبص لبعض خصوصًا لو الفروقات الفنية مش كبيرة… لكن الصعوبة مش إنك تجيب لعيبة، الصعوبة إنك تخلي الدنيا ماشية بسياستك إنت”.

وأضاف: “أنا لما كنت بشتغل، كنت بعمل فرقة على أساسي أنا، على تربيتي ومبادئي… الأهلي رقم واحد، ومفيش لاعب يجي يقولي أنا رقم 1 وتديني زي فلان، يوم ما يقول كده، أقوله بالسلامة، لأنه هيشوشر على أوضة اللبس، وهيسحب معاه 5 أو 6 لاعيبة”.

وعن ما يقال إعلاميًا بشأن تمرد داخل الفريق، قال عبدالحفيظ: “اللي بيتقال في الإعلام ممكن يبقى مجرد توقعات، بعد قصة وسام أبو علي اللي عايز يمشي، لكن إحنا منعرفش إيه اللي داير جوه الأهلي بالظبط”.

وعندما سأله مهيب: “هل طبيعي إن إمام عاشور يطلب المساواة بزيزو؟”، أجاب عبدالحفيظ: “ده بيتوقف على المردود، وكل لاعب ليه تقييمه، لكن مش أنا اللي أقيم، في ناس مختصة هي اللي تقول”.