اشتعلت أزمة صفقة انتقال اللاعب حامد حمدان، بعد موجة تصريحات متبادلة بين نجوم سابقين وإعلاميين على شاشة قناة MBC مصر، وسط تساؤلات عن تدخل النادي الأهلي في مسار الصفقة، خاصة بعدما أبدى الزمالك رغبته في ضم اللاعب رسميًا.
وقال الكابتن عبدالواحد السيد مدير الكرة بنادي الزمالك:
“الموضوع عليه علامة استفهام كبيرة.. الزمالك قدم عرض كويس واللاعب عنده رغبة ييجي الزمالك، ليه الدنيا واقفة ومفيش خطوة لقدام؟!”
ورد الإعلامي مهيب عبدالهادي قائلًا:
“بكل وضوح.. حسب ما عرفت حصل مكالمة من كابتن محمود الخطيب مع إدارة نادي بتروجيت بخصوص اللاعب.”
لكن الكابتن سيد معوض اعترض على الجملة بقوله:
“يعني إيه حصل مكالمة؟ الجملة دي مش واضحة ومش مفهومة.”
وعاد مهيب ليؤكد:
“اللي عندي إن حصل تواصل بين الخطيب وإدارة بتروجيت، يمكن الأهلي عايز اللاعب، أنا بقول معلومة وصلتني.”
من جانبه قال الكابتن أيمن عبدالعزيز:
“لو بنتكلم بصراحة.. واضح جدًا إن الأهلي دخل يبوّظ الصفقة.”
لكن المدير الرياضي بالنادي الأهلي، خالد بيبو، رد بانفعال:
“مين قالك إني داخل أبُوظ؟!”
ليرد أيمن:
“هو حامد حمدان أنت محتاجه في الأهلي؟!”
فأجابه خالد بيبو:
“وإنت تعرف منين؟ يمكن الأهلي محتاجه!”
المواجهة العلنية بين مسؤولي الأهلي والزمالك كشفت عن حالة من التوتر خلف الكواليس، في ظل تأخر حسم الصفقة رغم رغبة الزمالك واللاعب في إتمامها، ما فتح الباب لتكهنات حول تدخلات خارجية غير معلنة.
