مواجهه ناريه بين أحمد سليمان واكرامي بسبب الزمالك والأهلي وتجربه جون إدوارد والخطيب برمضان
شنّ أحمد سليمان، عضو مجلس إدارة نادي الزمالك، هجومًا قويًا على من وصفهم بأنهم كانوا يحاربون المدير الفني السابق كريستيان جروس بسبب صراعات وكلاء، مؤكدًا: “اللي جاب جروس وكيل اسمه حبشي ووكيل تاني علشان مش هو اللي جابه بدأت الحرب: ده أطرش، ده زهايمر، ده بيتهته.. ده مش بيشوف!”.
وأكد سليمان أن الحرب لم تكن من خارج النادي فقط، بل بمساعدة أشخاص من داخل القلعة البيضاء، مضيفًا: “للأسف في ناس جوا النادي بتساعدهم وبتقابلهم”.
كما وجّه رسالة مباشرة للجماهير والعاملين بالنادي مع انطلاق الموسم الجديد، قائلًا: “احترموا نفسكم، عندنا مدير رياضي محترف، ورئيس ونائب مشرفين على الفريق، وفي صفقات قوية.. ساندوا الفريق”.
وفي مداخلة خلال البرنامج، علّق إكرامي، حارس الأهلي الأسبق، قائلًا: “واضح إن مجلس إدارة الزمالك بعيد عن الكرة تمامًا”، قبل أن يتدخل طارق يحيى مؤكدًا أن المتابعة الفنية تتم من قِبل رئيس النادي ونائبه فقط.
أحمد سليمان عاد للتوضيح: “في مدير رياضي بعقود واضحة ومسؤوليات، والقرارات بتصدر منه، وبيتنسق مع المشرفين. ومين اللي اختار جون إدوارد؟ مش مجلس الإدارة؟ ومين عمل العقود؟ مش المجلس؟”.
وعند مقارنة الوضع بالأهلي، قال سليمان: “هو في الأهلي بيطلع قرار باسم الخطيب؟ لما اتاخد قرار بعقاب كهربا ورجوعه من الإمارات، طلع القرار باسم محمد رمضان، مش الخطيب، زي ما حصل مع فتوح”.
لكن إكرامي رد قائلًا: “مافيش قرار في الأهلي بيطلع من غير موافقة الخطيب”، لينهي سليمان الجدل: “أنا جبت مدير رياضي محترف مش علشان أملي عليه، هو مسؤول عن قراراته قدامي، ومش علشان أحمد سليمان يمشيه أو أي عضو”.
