وجّه أحمد حسام ميدو رسالة مؤثرة إلى شيكابالا عبر حسابه الرسمي على منصة إكس، بعد إعلان الأخير اعتزاله كرة القدم بشكل رسمي.
وقال ميدو: “شيكابالا مش زي أي لاعب عادي، لأنه ببساطة كان إنسان قبل ما يكون لاعب كرة، ربنا أنعم عليه بالموهبة الفطرية، ومعاها قلب طيب زي معظم أهلنا في أسوان”.
وأضاف: “أنا أعرف محمود عبد الرازق كويس جداً، جدع وراجل من صغره، ولما اتزاملنا في الملعب، كان قيمة فنية نادرة، ولما دربته في الزمالك أو الإسماعيلي كان قادر يقلب أي ماتش”.
وتابع: “شيكابالا اتولد في مدرجات حلمي زامورا، وعاش جوه نادي الزمالك، واختار أنه يكون أسطورة على مدار 30 سنة لعب كورة في قطاع الناشئين والفريق الأول، لحد ما أصبح كابتن تاريخي للزمالك”.
وأكمل: “موهبته كانت تؤهله يلعب في أكبر أندية العالم، لكن حتى لما الظروف كانت صعبة، بيرجع لبيته الزمالك ويكمل الرحلة، ويفضل هو روح الزمالك، شايل الفريق على كتفه في أصعب الفترات”.
واختتم ميدو: “دلوقتي بعد ما قرر يعلق حذاءه، ويرجع للمدرج التالتة يمين، هيتكتب اسمه بحروف من نور وسط أساطير الزمالك الكبار.. البداية كانت من المدرج، والنهاردة بيرجعله وهو ساحر وأسطورة”.
