هل تدخل الخطيب فعلاً؟.. كواليس غريبة حول فشل صفقة حامد حمدان للزمالك وحوار ناري بين سليمان واكرامي وطارق يحيي

شهدت حلقة قناة “إم بي سي مصر” مشادة كلامية مثيرة بين أحمد سليمان عضو مجلس إدارة نادي الزمالك السابق، وشريف إكرامي حارس الأهلي الأسبق، بسبب اتهامات بتدخل بعض الشخصيات البارزة لصالح الأهلي في صفقات بين الأندية المصرية.

أحمد سليمان قال:
“في أندية دلوقتي بتتهاجم علشان بتتعامل مع الزمالك! البنك الأهلي بيتهاجم ليه؟ بتروجيت بيتهاجم ليه؟ علشان بس بيتعاملوا مع نادي الزمالك؟ في أندية تانية بتساعد الأهلي ومحدش بيقول حاجه.. متفتحنيش بقى!”

ليرد عليه شريف إكرامي:
“لا معلش أفتحك.. أنا سمعت حاجه غريبة عن لاعب اسمه حامد حمدان في بتروجيت، الزمالك كان هيضمه، وبتروجيت كان موافق، وفجأة غير رأيه لما الكابتن الخطيب رفع السماعة على الناس هناك!.. هل ده منطقي؟!”

وتدخل طارق يحيى معلقًا:
“أنا هقولك حاجه من المطبخ.. بتروجيت فعلاً كان موافق في الأول يبيع اللاعب للزمالك، وفجأة اتراجع، ومش عارف ليه!”

إكرامي عاد وقال بسخرية:
“يعني تراجعوا ليه؟ علشان الخطيب كلمهم؟ يبقى كده الخطيب سوبر مان يعني؟!”

ليرد أحمد سليمان:
“معرفشي.. بس أنا شفتها كتير، لما لعيب بيبقى عليه منافسة، وبيروح الأهلي يقولك لولا مكالمة الكابتن الخطيب، الصفقة كانت راحت.. ده اللاعيبة هي اللي بتقول كده، ومنهم معتز إينو كان بيحكي كده هنا من يومين.”

إكرامي أنهى النقاش قائلًا:
“لا.. دي قصة تانية خالص.”