كشف وائل القباني، مدير الكرة السابق بنادي الزمالك، عن واقعة مثيرة حدثت خلال إحدى المباريات الرسمية للفريق، عندما ضبط اثنين من اللاعبين وهما يستخدمان الهاتف المحمول على دكة البدلاء أثناء سير اللقاء.
وقال القباني في تصريحاته لبرنامج “الكابتن” مع أحمد حسن على قناة dmc: “أنا معملتش نفسي عنتر بن شداد، لكن وقعت عقوبة على لاعبين استخدموا الموبايل أثناء الماتش، وده تصرف غير مقبول”.
وأضاف: “الواقعة حصلت بعد انتهاء الشوط الأول، اللاعبان تم تغييرهُما، لكن لما رجعوا دكة البدلاء كانوا ماسكين الموبايل، والمدير الإداري نبه أحدهم، لكنه طنّش، وأنا لما كلمته قالي (متزعقليش)، فكان لازم يتعاقب عقوبة أكبر من اللاعب التاني اللي قال حاضر من أول مرة”.
وتابع القباني: “رغم كل اللي حصل، الأسرار ما خرجتش من الفريق وده نجاح في حد ذاته، وأنا اشتغلت في الزمالك من غير عقد لأن ده بيتي، وأنا بحب النادي”.
واختتم: “بطلب من جمهور الزمالك الصبر، علشان التغيير قادم، وهيبان أثره خلال التجربة الجديدة اللي جاية”.
